網絡截圖
2011年5月，歐債危機爆發，盧森堡前首相、新歐盟主席容克(Jean-Claude Juncker)，當時正傾力拯救有先天缺陷的歐元，俾傳媒踢爆佢一直「講啲唔講啲」隱瞞歐元有解體之可能。佢隨後竟公開承認：「當事情危急，你只能老作」。(英文原句：When it becomes serious, you have to lie.)
容克之前做過乜，好多人都未必知。但佢呢句真係傳遍歐洲，仲好可能會千古流傳。皆因呢句說話，幾可反映出現時全球政客為求留任，不擇手段的心態。此亦好可能係英國人唔鍾意佢之原因。
英國首相在上月歐洲議會大敗、反歐盟的獨立黨大勝之後，立即藉著選歐盟主席急急與歐盟畫清界線，以圖挽回保守黨太親歐脫離了英國反歐民意之頹勢。此著，高也。
英國民眾不喜歐盟，英國首相只能順從。民主社會民為先，英國人示範了，香港人繼續爭取吧。
